Leerorkest ta un proyecto cu a cuminsa algun aña pasa pa trece e conocemento di musica na e alumnonan di scol, tanto den canto, como tambe den instrumento musical.

Prome Minister ta felicita Leerokest cu e exito di e proyecto aki y pa e presentacionnan tumando luga na diferente scol na Aruba.

“Por a nota cu mayornan ta hopi impresiona y contento pa mira con nan yiunan ta desaroyando riba e area di musica y instrumentonan cu usualmente nos no ta expone nos muchanan na dje. Pabien na Leerorkest y na juffrouw Roelin Hofman y tur e ekipo di Prinses Amalia Basisschool. Esaki ta algo cu ta tuma hopi tempo y hopi pasenshi”, Prome Minister a expresa.

Tambe a nota un diferencia y progreso hopi grandi compara cu aña pasa ora e muchanan a duna un bunita presentacion pero e aña aki a surpasa e nivel di profesionalismo. “Pabien cu e bunita proyecto. Un proyecto cu tin hopi reto, pero ta trahando riba solucionnan pa asina e proyecto continua”, Prome Minister a enfatisa.