Por entrega nominadonan pa Copa Hubenil Gobernador Felipe B. Tromp
ORANJESTAD - Comision Copa Hubenil Gobernador Felipe B. Tromp ta cla pa ricibi nominacion di (pre)hoben (individual of grupo) entre edad di 8-21 aña cu a destaca den e periodo di 15 di april 2024 te cu 15 di april 2025 den area di cultura, deporte of social.
Dia 27 di april, Aña di Rey lo entrega e Copa Hubenil Gobernador Felipe B. Tromp na e hoben of grupo hubenil cu a destaca durante e ultimo aña.
Copa Hubenil Gobernador Felipe B. Tromp ta dedica na e prome gobernador di Pais Aruba y ta pa reconoce e trabou social, cultural y deportivo pa nos hobennan.
Aruba ta un pais conoci unda ta dedica hopi trabou na formacion di nos hobennan, specialmente e trabou boluntario den deporte, cultura, campo social, religioso etc.
Por anda e nominacion via e formulario digital prome cu 19 di april 2025.
E rekisitonan ta indica den e formulario digital.
Por manda email na info@athaaruba.com si tin pregunta.
