Plan pa parcela tereno

Cu drentamento na vigor di LRO e procedura pa  un plan di parcela a cambia. Prome cu e LRO a drenta na vigor,  Dienst Openbare Werken (DOW) tabata controla e plan di parcelacion di mas di tres vivienda, basa riba e Bouw- en woningverordening. Awor mester entrega e plan di parcelacion di tres pa cuater edificio, basa riba LRO, na Departemento di Infrastructura y Planificacion. Ademas di e control tecnico, tambe ta controla e plan di parcelacion segun e ROP, plan di mapa ROP y/of ROPV. Aki ta controla por ehempel si e funcion den e plan di parcelacion (biba, comercial e.d) ta pas den e vecindario y of cu e plan no ta causa molester pa e vecindario. Di otro banda tambe ta controla si e plan di parcelacion no ta causa daño  na medio ambiente. Esaki por ehempel ta e caso si e plan di parcelacion ta situa den un paisahe di balor of si e por stroba un area cu ta destina pa uzo economico.

Procedura pa plan di parcelacion ta poni den un foyeto apart (Procedura Plannan di Parcelacion) di DIP. Den e foyeto ta para e condicionnan cu e peticion mester cumpli cu ne y e procedura cu tin cu sigui.