Peticion pa un of mas director/manager (nobo) cu mester tin permiso pa opera un compania

NOTA:

Entrante 1 di october 2022 e linea di maneho encuanto otorgamento pa permiso di establecimento di negoshi (“Vestigingsverordening Bedrijven”) a cambia.

Lo trata tur peticion ricibi prome cu dia 1 di october 2022 segun e maneho anterior.

Pa mas informacion por consulta e foyeto adhunto (na Hulandes):

Segun e Ordenansa pa permiso pa lanta negoshi (Vestigingsverordening Bedrijven) y e lineanan di maneho no ta permiti pa actua como director/manager di un compania sin permiso di minister di Asunto Economico pa haci tal. Un ke otro cu exepcion di un persona cu nacionalidad Hulandes, naci na Aruba of un persona cu a naturalisa Hulandes na Aruba, mayor di 18 aña.

Unda pa pidi'e? / Mas informacion na

Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria

Con mi tin di pidi'e? / Kico mi tin di hasi?

Entrega un peticion por escrito cu ta contene informacion tocante e compania y su directiva como tambe tocante e negoshi cu ta bay lanta (meta, adres, etc.). Por entrega e peticion na Helpdesk di Departamento di Asunto Economico, Comercio y Industria.

Kico mi tin di hiba cu mi?

E peticion por escrito cu stampia (di Awg. 4,00) y e documentonan (si ta aplicabel), menciona den e lineanan di maneho, cu entrega.

Kico ta e condicionnan?

Ora di entrega un peticion mester tene cuenta cu e ordenansa menciona y e liñanan di maneho cu ta al caso, pues tene cuenta cu entre otro:

E otorgamento di un permiso segun e Ordenansa pa permiso pa lanta un negoshi (Vestigingsverordening Bedrijven) no ta encera cu e esnan envolvi automaticamente lo haya derecho riba e otro permisonan rekeri.

Cuanto e ta costa?

Mester paga stampia (leges) segun Legesbesluit DEZHI pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 400,00 pa cada director/manager.