Peticion pa muda y na mesun momento apunta manager nobo pa un compania (vennootschap)

NOTA:

Entrante 1 di october 2022 e linea di maneho encuanto otorgamento pa permiso di establecimento di negoshi (“Vestigingsverordening Bedrijven”) a cambia.

Lo trata tur peticion ricibi prome cu dia 1 di october 2022 segun e maneho anterior.

Pa mas informacion por consulta e foyeto adhunto (na Hulandes):

Segun e Ordenansa pa permiso pa lanta un negoshi (Vestigingsverordening Bedrijven 1013 GT90.055) no ta permiti pa ni pa actua como manager/gerente di un compania sin permiso di minister di Asunto Economico. Ta compronde bao di un negoshi cualkier empresa den cual ta haci negoshi. Segun e ordenansa y liñanan di maneho, un persona cu nacionalidad Hulandes, naci na Aruba of cu a naturalisa bira Hulandes na Aruba y e tin 18 aña pa riba y ta actua como director/manager di e compania (vennootschap), no mester di un permiso.

Unda pa pidi'e? / Mas informacion na

Seccion Vestiging van bedrijven – helpdesk, number di oficina 15. Telefon 521-2400 ext. 250 di Departamento di Asunto Economico, Comercio y Industria.

Con mi tin di pidi'e? / Kico mi tin di hasi?

E peticion por escrito mester contene informacion di e compania/persona huridico y director/manager (nobo) como tambe di e negoshi (meta, adres (nobo) etc.). Por entrega e peticion na Helpdesk di Departamento di Asunto Economico, Comercio y Industria.

Kico mi tin di hiba cu mi?

E peticion por escrito cu stampia (di Awg. 4,00) y e documentonan (si ta aplicabel), menciona den e liñanan di maneho, cu mester wordo entrega.

Cuanto e ta costa?

Mester paga stampia (leges) segun Legesbesluit DEZHI (0418AB09.074) pa tratamento di bo peticion. Director di DEACI ta esun responsabel pa stipula e suma. Pa e tipo di peticion aki, e suma ta Awg. 25,00 pa cada negoshi cu mester muda y Awg. 400,00 pa cada socio gerente (persona huridico) cu mester di permiso.