Peticion pa dispensacion di derecho di importacion riba mobilario ora di mudansa

Pa por importa bo mobilario cu dispensacion di derecho di importacion bo mester haci un peticion. Mester entrega e siguiente documentonan:

• Formulario”Aanvraag verhuisboedelvrijstellingen' Si bo kier pidi dispensacion bo mester yena e formulario “aanvraag verhuisboedelvrijstellingen”. Por haya e formulario aki na Douane.
• Enig document  Bo mester haci tambe un declarion (aangifte) ora di trece bo verhuisboedel di afo. E declaracion di importacion bo ta haci riba un Enig documento digital den Asycuda World. Bo por pidi un custum broker yudabo haci e declaracion den Asycuda World. Por haya e lista di custom brokers den buki di telefon;
• Documento adicional

 Ademas di e formulario”Aanvraag verhuisboedelvrijstelllingen” y e “Enig document” bo mester entrega e siguiente documentonan:

• un copia valido di bo prueba di identidad;
• un declaracion di inscripcion na Censo di Aruba di Awg 10,- (3 ehemplar);
• un lista di e productonan di mudansa ( 3 ehemplar);
• e (lucht) vrachtbrief di e carga for exterior (3 ehemplar).

Pa studiantenan cu ta studia na Merca, Douane ta exigi ademas un formulario I-20. Esaki ta e prueba cu bo ta studia na Merca.

E siguiente condicionnan ta aplicabel pa haya e dispensacion pa producto pa uzo personal:

• bo mester a uza e productonan den e pais di origen;
• bo lo uza e productonan pa mesun meta na Aruba;
• bo tabata uza e productonan segun e condicionnan valido den e pais di origen;
• abo y e miembronan di bo famia no ta biba na Aruba ainda.

Tin condicion adicional pa vehiculo di motor, avion deportivo y boto di placer cu ta pertenece na bo mobilario.
Pa e medionan aki di transportacion, bo mester por mustra cu pa un periodo di por lo menos 6 luna prome cu e fecha riba cua bo a duna di conoce of indica bo luga di biba vast, nan ta

• den bo poder;
• bo ta doño y
• tabata den uzo na bo luga di biba anterior.

Bo por mustra esaki door di entrega:

• number di bo vehiculo di motor of boto di placer den exterior;
• un keuringskaart den exterior;
• un polisa di seguro den exterior;
• acta di compra of un recibo.

Despues cu bo a trece e vehiculo di motor of e boto di placer na Aruba, bo mester registra esaki na Servicio di Impuesto.

Pa cacho y pushi ora bo bini di exterior bo mester entrega na Douane e siguiente documentonan:

• un declaracion di salud (gezondheidsverklaring) no mas bieu cu 3 siman y
• un prueba valido di un vacunacion contra di rabies cu ta mas bieu cu 1 luna y no mas bieu cu un aña.

Aunque cu e importacion di cacho y pushi for di Latino America y America Central ta prohibi, ta haci excepcion unicamente pa mobilario si tin un declaracion di no obhecion (verklaring van geen bezwaar) di Servicio Veterinario.
Pa importacion di tur otro sorto di bestia mester tuma contacto prome cu Servicio Veterinario di Aruba.

Pa e siguiente productonan no ta haya dispensacion.

• producto alcoholico;
• tabaco of producto di tabaco;
• vehiculo di compañía;
• material cu ta destina pa negoshi cu excepcion di instrumento cu hende por carga pa arte y artesania.

Si ta haci uzo di un custom broker lo tin cu paga pa e servicio aki.