Peticion di un patent chikito (proteccion di 6 aña)

Un patent ta un derecho exclusivo riba un invento cu cua bo por prohibi un otro pa uza bo invento comercialmente riba cierto tereno huridico (pais), durante cierto periodo (seis of binti aña). Un patent ta proteha bo invento riba un producto tecnico of proceso. Esun cu tin un patent, por prohibi otro pa imita, bende of importa e producto. Hasta den caso cu un otro tambe a traha e invento totalmente independiente.

Pa bin na remarca pa un patent bo invento mester ta:

   a.  nobo (mester ta desconoci mundialmente);
   b.  inventivo (no mester ta obvio) y
   c.  por aplic’e industrialmente.

Si bo ta desea pa haci peticion pa un patent, bo tin cu start e procedura na Oficina di Propiedad Intelectual.

Unda pa pidi'e? / Mas informacion na

Pa start e procedura bo por haya un formulario pa esaki na Oficina di Propiedad Intelectual. Bo por tambe download e formulario (Aanvraagformulier Arubaans octrooi) aki nan. Tene cuenta si cu bo mester entrega bo peticion den duplicado (dos papel).

Despues di entrega e peticion pa patent bo mester scoge entre un peticion pa un patent cu un proteccion di un duracion di seis of binti aña. Pa e escogencia aki bo ta dispone di un tempo di diestres luna. Si dentro di diestres luna bo no pidi un investigacion (stand van techniek)– e ora ey bo ta haya automaticamente un patent di seis aña.

Mas informacion na Oficina di Propiedad Intelectual.

Kico mi tin di hiba cu mi?

  • Formulario di peticion yena den duplicado (tweevoud) riba cua bo ta indica e problema, bo ta describi e solucion cu bo ta ofrece pa e problema tecnico y ta splica e dibuhonan, e titulo di e invento, dato di esun cu ta haci e peticion y of di e inventor(nan), informacion di prioridad (si ta aplicabel) dato di e apoderado (si ta aplicabel);
  • Un carta adhunto dirigi na Oficina di Propiedad Intelectual (den duplicado) pa registra e peticion di e patent cu un resumen di e documentonan cu ta acompaña e peticion;
  • Un descripcion di e problema den duplicado (dobel);
  • Un of mas conclusion of claim. Aki bo ta formula e proteccion di e patent, cu otro palabra e derecho exclusivo cu bo ta desea;
  • Dibuhonan of formulebladen (un splicacion riba e dibuhonan of formulebladen ta para den e descripcion);
  • Volmacht: den caso cu bo ta biba den exterior bo mester ta representa pa un apoderado di patent. Pero si bo ta biba na Aruba no ta obligatorio, pero si ta recomendabel pa bo ta asesora pa un apoderado di patent. E proteccion di e patent pa medio di un patent no tur biaha ta facil. E invento mester ta hopi preciso describi den e peticion di e patent. Den caso di un patent hopi complica esaki por resulta bastante fastioso. Bo mes por redacta e peticion, pero ta recomendabel pa un apoderado di patent haci esaki. E documento final tin por cierto un status huridico y e calidad di e peticion ta di gran importancia pa e derecho cu bo ta haya finalmente. Apoderadonan inscribi na Oficina di Propiedad Intelectual por yuda bo cu peticion di un patent;
  • Documento di prioridad: Si e solicitante kier haci uzo di e derecho di preferencia, e mester duna esaki di conoce, ora cu e haci e peticion of denter di tres luna despues di haci e peticion. E ta haci esaki door di por lo menos informa Oficina di Propiedad Intelectual e fecha di entrega di e peticion riba cua e ta apela y e pais na unda y cu ki fin el a entrega esaki. Si e datonan ya ta conoci ora di inscribi, por yena nan riba e formulario. Denter di diesseis luna despues di a entrega e peticion riba cua e ta referi, mester entrega na Oficina di Propiedad Intelectual e documento di prioridad.
  • Acta di traspaso (ta trata di un acta di traspaso of fusion ora tin cambio di e forma huridico of ora e doño di e patent ta bende su derechonan na otro partido.
  • Un documento di identificacion valido: paspoort, cedula of rijbewijs (si ta residencia na Aruba);
  • Un extracto di Camara di Comercio (den caso cu e corporacion tin un personalidad huridico - rechtspersoonlijkheid  bezittend lichaam- na Aruba).

Cuanto e ta costa?

E gastonan pa e indieningstakse y pa investigacion di (stand van de techniek) ta:·

Entrega formulario di peticionAwg.    300,-
Investigacion di novedad/no-internacional/nacionalAwg. 1.200,-

Nota: Pa mantene bo patent, bo mester paga tur aña tarifa di mantencion te cu e di seis aña. 

Cuanto tempo ta dura pa hay'e?

Den principio diesocho luna despues cu a entrega e peticion. Si bo ta desea di haya un patent denter di diesocho luna bo por pidi un inscripcion anticipa. Si bo haci e peticion hunto cu e entrega, bo por haya un patent di seis aña denter di dos luna.