Limitacion fisico

Si e persona cu ta haci e peticion tin un limitacion fisico y pa e motibo ey no por pidi e paspoort personalmente, e ora ey un miembro di famia of un funcionario di un instituto autorisa (cas di anciano etc.), unda e persona cu ta haci e peticion ta interna, por haci e peticion personalmente na e loket di oficina principal di na Schoolstraat 2. Na yegada ta tuma un number pa haci e peticion pa paspoort.

• E paspoort caduca;
• Un potret reciente na color;
• Prueba di identidad valido di e persona cu ta haci e peticion (miembro di famia of funcionario di e instituto.

Aplica pa paspoort

Personanan 65 aña of mas cu no tin acceso digital, por yama pa un cita via telefon 5223676 of acudi personalmente.

Por aplica pa un paspoort door di

1. Acudi personalmente 

Por acudi personalmente na e balie di oficina principal di Censo situa na Schoolstraat 2.

2. Segun cita

Por haci un cita pa pidi bo paspoort via Haci un cita. Bo ta haya un cita pa pidi un paspoort cerca oficina di Censo na L.G. Smith Boulevard 66.  

Ora di pidi un paspoort, mester presenta cu e siguiente documentonan:

• E paspoort cu a caduca, si ta renoba paspoort;
• Si ta trata di un prome peticion, mester bin cu un identificacion valido;
• Un pasfoto segun reglamento stipula (wak tambe Fotomatrix Model 2007);
• Den caso di menor di edad, e mayornan, voogd of esnan encarga cu autoridad di mayor mester ta presente pa duna aprobacion;
• Si un di e mayornan of voogd(nan) no por ta presente mester di un declaracion cu ta duna permiso y un copia di un prueba di identidad valido (paspoort, cedula of rijbewijs) di e mayor of voogd cu no por ta presente. Riba e copia mester tin su firma para. Si un di e mayornan of voogd (nan) ta den exterior, e ora ey mester mail e declaracion unda ta duna permiso, como tambe copia di e prueba di identidad valido (paspoort, cedula of rijbewijs) unda su firma ta para, directamente pa Censo/Registro Civil na info@censo.aw.
• Si bo a perde of nan a horta bo paspoort, bo no mester bay polis mas pa traha un procesverbaal pa haci un peticion nobo pa paspoort. Pero bo tin cu informa Censo inmediatamente di robo of perdida di bo paspoort, unda bo mester firma un declaracion segun berdad.  Por haci un peticion pa pasoort mesora. Si bo no tin otro prueba di identidad, pero si bo ya a yega di pidi un paspoort na Censo/Registro Civil, e ora ey nan por identifica bo basa riba esaki. Si no, e ora ey bo mester presenta na Censo/Registro Civil cu dos testigo.
• Si ta trata di un persona cu limitacion fisico, prueba di identidad di e persona cu ta haci e peticion pe (miembro di famia of funcionario di e instituto unda e persona ta interna/biba).

Tene cuenta!!!!

Bo paspoort bieu tin un visa vigente ainda den dje? E ora ey ora di haci peticon pa y ora di busca e paspoort mester informa e funcionario na un forma cla cu e paspoort bieu tin un visa y cu no ta desea pa perfora e pagina concerni.

Condicionnan:

Manera meciona na comienso di e pagina aki e condicionan pa pidi un paspoort ta: 

• Un paspoort mester pidi personalmente (ora di pid un paspoort mester tuma fingerprints. Lesa mas tocante tumamento di fingerprints.
• Bo mester ta inscribi na Censo
• Bo mester tin nacionalidad Hulandes

Fingerprint

Ora di haci peticion pa un paspoort ta tuma dos fingerprint di bo persona. Esaki ta pa preveni fraude y abuso. Conforme regulacion Europeo, Censo/Oficina di Registro Civil, durante peticion di bo paspoort, ta  tuma bo fingerprints. Pa esaki ta uza  un machine cu ta tuma fngerprints electronico na e balie. Lo registra e marcanan di dede den e chip cu tin den e paspoort. Marcanan di dede ta keda warda unicamente den e paspoort mes.  Fingerprints ta obligatorio ora di pidi un paspoort. Sin fingerprints bo no por pidi un paspoort. Ainda bo tin un paspoort sin fingerprints? E ora ey bo paspoort ta valido te cu e fecha cu e ta caduca.

Condicionnan

Pa por tuma fingerprints:

• Bo dede mester ta limpi. Pa tuma un bon fingerprint, bo dede no mester tin otro tipo di sushi (bolonbonchi) riba dje, por ehempel resto di verf;
• Bo mester ta mayor di 12 aña.

No ta posibel pa tuma fingerprint

Si no ta posibel por tuma fingerprint durante peticion di bo paspoort, por ehempel door di un limitacion fisico temporario, e ora ey bo por:

• warda te ora ta posibel pa tuma un fingerprint of
• bou di cierto condicionanan ta haya un paspoort cu un validez di diesdos luna maximo;
• Si ta trata di un limitacion permanente door di cua ta imposibel pa tuma fingerprints por haya bou di cierto condicion un paspoort sin fingerprint cu un duracion di 5 aña.

Busca paspoort

Por pasa busca e paspoort despues di 10 dia di trabou na oficina principal na Schoolstraat 2. No por haci afspraak pa busca e paspoort (unicamente pa haci peticiona pa paspoort).  Por busca e paspoort personalmente na oficina principal situa na Schoolstraat 2. Ora drenta e oficina ta tuma un number via e  sistema di duna number na cliente. Despues ta yama e number via e pantaya.

Paspoort di emergencia / Laissez passer

Paspoort di emergencia ta un documento di biahe temporario. Cu e documento aki un persona por biaha despues di per ehempel perdida, robo of desaparicion di e documento di biahe y ora cu prome cu bo biaha no ta posibel pa haci peticion pa un documento pa biaha nobo. Bou di condicionnan por pidi un paspoort di emergencia (noodpaspoort / aissez passer) na Gabinete di Gobernador. 

Tin cu pidi prome un peticion pa un paspoort nacional na Censo.

Paspoort pa negoshi

Un paspoort pa negoshi ta un paspoort comun, pero cu dobel cantidad di blachi 64 na luga di 32. Si bo ta biaha frecuentemente (pa negoshi of priva) y mester di extra luga pa stempel di aduana y visa, bo por pidi un paspoort di negoshi.

Perde of a horta paspoort

• Si bo a perde of nan a horta bo paspoort, bo no mester bay polis mas pa traha un procesverbaal pa haci un peticion nobo pa paspoort. Pero bo tin cu informa Censo inmediatamente di robo of perdida di bo paspoort, unda bo mester firma un declaracion segun berdad.  Por haci un peticion pa pasoort mesora. Si bo no tin otro prueba di identidad, pero si bo ya a yega di pidi un paspoort na Censo/Registro Civil, e ora ey nan por identifica bo basa riba esaki. Si no, e ora ey bo mester presenta na Censo/Registro Civil cu dos testigo.

Periodo di validez

E paspoort tin en principio un validez di diez aña. Den casonan di excepcion e validez por ta menos. Un paspoort otorga ta y ta keda propiedad di Reino Hulandes. Pa peticion of renobacion por pasa personalmente of por Haci un cita na Seccion Paspoort. 

Potret riba paspoort

Si bo ta haci peticion pa un paspoort, bo mester trece cubo un potret (pasfoto). E potret ta pa indentificabo. E potret mester cumpli cu cierto condicionnan pa e keda acepta. E condicionnan ta necesario pa por warda e toma di bo cara den forma digital den e chip di bo document di biahe. Por tira un bista riba e condicionnan cu e potret mester cumpli cune pa por keda acepta. 

Exigencianan na e potret pa paspoort

Ora di entrega un peticion pa un paspoort mester entrega un potret na colo. E potret mester cumpli cu cierto exigencianan. Esaki ta encera entre otro calidad di e potret, background, con e cara ta refleha, postura y expresion.

Fotomatrix Model 2007

Tur e exigencianan por haya den e Fotomatrix Model 2007. Door di digitalisacion di e potret e toma di cara tambe ta almacena den e paspoort

Potret cu ta duna un bon releho di e persona

E potret mester refleha  un bon imagen di e persona cu ta haci e peticion. E instancia unda ta pidi e paspoort, ta determina si e paspoort ta cumpli cu e exigencianan. Lo no trata e peticion di un paspoort si e potret no ta cumpli cu e exigencianan. E ora ey mester entrega un potret nobo. Den e Ley di paspoort tin para cu ta retene e paspoort si e potret no ta parce suficientemente na tenedo e documento. Esaki tambe ta aplicabel pa un cedula. Si hende tin duda tocante e semehansa di e potret, e ora ey por tuma contacto cu e instancia cu a otorg’e.

Cos di bista na cabes riba potret

Den principio e cabes meser keda sin tapa. Tin excepcion, por ehempel ora ta bista algo pa tapa cabes pa motibo religioso of di salud. E instancia cu ta otorga e document ta stipula si ta trata di caso unda ta haci excepcion.

Grandura di e cara riba potret

Pa e largura y anchura di e cara tambe tin exigencianan. No por determina ooraanzet (Esaki ta e puntanan na banda di e cabes unda e horeanan ta crece na e cabes) si e bandanan di cara ta tapa. Esaki no kier meen cu e horeanan mes mester ta visibel. Ta determina e largura door di midi di cachete te cu e parti mas halto di e cabes.

Potret pa muchanan menor di 6 aña

Si ta pidi un paspoort pa un mucha menor di 6 aña, e ora e rekisitonan ta mas flexibel pa e potret pa paspoort. Esaki ta yama exigencianan minimo. Por haya mas informacion di e exigencia minimonan aki den e Fotomatrix Model 2007 . 

Por haya mas informacion na Censo riba e site http://www.paspoortinformatie.nl/ of por manda un mail na ministerio di Asunto Interior y Relacion di Reino Hulandes via http://www.minbzk.nl/algemene-onderdelen/serviceblok/contact".