Papiamento den klas 1 di tur scol basico

E file aki ta den archivo.

ORANJESTAD - Den cuadro di e maneho di idioma nobo, ta introduci oficialmente
alfabetisacion na Papiamento e aña escolar 2024-2025 den klas 1 di tur scol basico pa asina e muchanan siña lesa y skirbi den Papiamento. 
 

Lo duna Hulandes cu un acercamento nobo cu ta pas mas den e contexto di nos muchanan.
Mientrastanto a prepara tur docente di klas 1 y cabesante di scol basico, cu a atende un curso di profesionalisacion. 

Durante e cursonan a trata: 

  • E metanan nucleo di idioma y comunicación; 
  • conocemento di e material;
  • didactica di idioma materno y  di idioma stranhero;
  • dominio di Papiamento.

Ademas di esaki, a inverti alrededor di 1.2 miyon florin pa desaroya e materialnan nobo. A print esakinan na Hulanda y reparti nan pa tur scol basico.

Varios estudio internacional cu a haci riba e topico aki entre otro, rapport di World Bank na 2021, a conclui cu den e prome añanan e alumno tin cu ricibi enseñansa den su idioma materno. E rapport di UNESCO di aña 2016 titula: “If you don’t understand, how can you learn?” tambe a trata e tema aki.

Nos profesionalnan a haci uzo di e rapportnan aki y realisa investigacion na Aruba y a yega na e mesun conclusion cu e rapportnan internacional.

Maneho di Idioma