Criadonan di cabrito, carne of porco pa consumo, por sacrifica esakinan solamente na Abattoir. Mata bestia na cas pa consumo ta ilegal y por tin su riesgo pa salud di hende. Abattoir ta brinda su servicio di sacrifica bestia durante luna di november y december 2023 for di dialuna te cu diahuebs, parti mainta entrante dialuna 13 di november te cu dialuna 18 di december 2023 y ta exclusivamente a base di afspraak.

Esnan cu ta desea di sacrifica un of mas animal pa consumo mester traha un afspraak cu Abattoir. Esaki ta pa coordina e matansa na un manera mas structura, cumpliendo cu reglanan di higiena y prevencion di transmision di Influenza y COVID. Pa haci un afspraak mester yama Veterinaire Dienst na telefoon 5224310 of 5224320 of pasa personalmente na Veterinaire Dienst na Barcadera # 1.

Abattoir ta pidi un y tur pa mantene nan mes na e afspraak. Si no bin segun e afspraak, mester haci un cita di nobo. Ultimo dia pa mata bestia ta dialuna 18 di december 2023 cu un capacidad limita; no warda te ultimo pero traha bo afspraak na tempo. Sin afspraak no ta duna servicio di sacrifica animal.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama 5224200 of mail nos na servicio@dvg.aw