E delegacion a hiba combersacion cu e ehecutivonan di Norwegian Cruise Lines y a splicanan den detaye, kico tur Aruba ta haciendo pa engrandece turismo crucero y e experienca pa e bishitante.

Norwegian Cruise Lines ta un compania cu mas di 56 aña den e mundo crucero y ta bishita mas cu 450 destinacion rond mundo. Pa Aruba nan ta un partner hopi importante mirando cu nan ta e tercer compania crucero cu ta trece mas turista pa Aruba.

Durante e temporada halto di 2023 Norwegian Cruise Lines tabata e compania cu a trece e mayor cantidad di pasahero pa nos isla.

E ehecutivonan di Norwegian Cruise Lines a confirma cu pa 2024 nan lo aumenta e cantidad di bishita aun mas.