Museonan di FMA ta habri nan porta un biaha mas
ORANJESTAD – Riba 14 di augustus 2023, Minister di Finansas y Cultura sra. Xiomara Maduro a anuncia den un evento cu a tuma lugar na Fort Zoutman cu despues di 3 aña e 4 museonan cu ta bou encargo di Fundacion Museo Arubano (FMA) ta habri nan portanan bek pa nos turistanan y localnan.
E museonan di FMA a cera nan porta durante e pandemia. Despues di e pandemia no tabata facil pa e museonan habri nan portanan bek. Minister Maduro a acerca Minister Oduber pa wak ki posibilidad tin pa por habri e museonan bek.
Ministerio di Turismo y Salud Publico a a percura por medio di e fondonan di Aruba Tourism Authority (ATA) y Aruba Ports Authority (APA) pa hunto habri e museonan bek.
E 4 museonan cu a habri nan portanan bek ta:
- Museo Historico na Fort Zoutman;
- Museo industrial na Water Toren San Nicolas;
- Museo di comunidad na San Nicolas;
- Museo di Carnival Euphoria na San Nicolas.
Cu e habrimento di e 3 museonan na San Nicolas, esaki sigur lo percura pa tin mas trafico di turistanan pa e comercio di pariba di brug. Ta importante pa nos museonan ta habri pa turistanan por bishitanan y haya sa mas di nos herencia y nos cultura.