Modelo macro-economico MARUBA

MARUBA ta e modelo macro-economico maneha pa DEACI, cu Gobierno ta uza pa haci entre otro proyeccion riba desaroyo economico y tambe ta uz'e pa stimula e impacto macro-economico di e maneho. MARUBA ta basa riba e cuentanan anual di pais Aruba. CBS ta colecta y publica e cifranan cual ta refleha funcionamento di economia di Aruba.

E Comision Macro Model ta den dialogo continuo cu diferente instancia y experto local, y a base di intercambio di informacion ta haci analisis di diferente desaroyo y produci e Economic Outlook 2022 - 2023.

“Economic Outlook 2022- 2023” ta e proyeccion economico cu ta uza den presupuesto di Aruba y MARUBA ta un instrumento esencial pa esaki. E uzo di MARUBA ta posibel danki na bon cooperacion entre stakeholders y disponibilidad di data di diferente area economico manera turismo, consumo, y inversion.

"E presentacion riba uzo y funcionamento di MARUBA, ta importante y ta mustra e necesidad pa acceso continuo na data pa analisa y monitor nos desaroyo economico den cooperacion cu nos partnernan", segun minister Geoffrey Wever.

Minister Wever a gradici directora di DEACI, sra. Maria Dijkhoff- Pita, sra. Judesca Briceño y sr. Jason Lejuez di DEACI pa e presentacion y e trabao diario pa mantene nos informa di desaroyo macro-economico, a traves di e modelo MARUBA.

Adhunto por tira un bista riba e Economic Outlook 2023 – 2024.