Minister van der Wal-Zeggeling ta bishita Gobernador Interino Vrolijk
ORANJESTAD - Diahuebs dia 5 di oktober 2023, Gobernador interino di Aruba, Su Excelencia Agustin Vrolijk, a ricibi Minister Christianne van der Wal-Zeggeling (Naturalesa y Nitrogeno) pa un audiencia na Cas Ceremonial di Gobernador.
E minister ta na Aruba en conexion cu un conferencia en relacion cu e Tratado Cartagena, cual a tuma luga den siman di 5 oktober. E ta un di e keynote speakers durante e convencion.
E topiconan cu a papia riba nan entre otro ta e importancia di e conservacion di e bida maritimo tanto como e desafionan cual Aruba ta confronta.
Potretnan: © Kabinet Gouverneur Aruba