Minister di Finansas y Cultura, Xiomara Maduro tabata presente recientemente na e evento a tuma luga na Santa Rosa na unda por a presencia cu e muchanan ta ricibi informacion tocante plantamento y e tipo di instrumento di trabao cu ta uza pa traha den cunucu. Tambe Brandweer Aruba ta brinda informacion riba diferente puntonan di atencion pa locual ta e conscientisacion tocante e mal uzo di cendemento di candela.

Tambe a muchanan a presencia diferente demostracion di baile y weganan tradicional cu ta  haci riba e Dia di San Juan - Dera Gay cu ta celebra riba tur 24 di juni.

E actividad aki ta programa pa 7 dia, na unda tin 3 presentacion pa dia cual un averahe di 360 mucha di diferente scol a bishita Santa Rosa y ta haya e presentacion.

Alfinal un total di alrededor di 2520 mucha a haya e oportunidad pa experiencia e  proyecto escolar “Fiesta di San Juan”.

E mandatario a entrega certificado na e muchanan cu a participa den e demostracion di baile di San Juan y a haci uzo di e oportunidad pa gradici Departamento di Cultura, Santa Rosa, Departamento di Bombero y e agrupacion musical cu a duna nan presentacion.