Miembronan di Organisacion "Women Empowering Women" di bishita na Cocolishi
ORANJESTAD - Recientemente Prome Minister demisionario Evelyn Wever-Croes a ricibi 21 miembro di e organisacion Women Empowering Women (WOW) na Bestuurskantoor.
E miembronan di e organisacion aki ta hende muhe profesional cu ta hopi dinamico den sociedad riba diferente tereno, specialmente ora ta trata di empodera hende muhe.
A duna e miembronan di WOWO un recorido pa mira e espacio na unda e Crisisteam tabata reuni durante di e pandemia di COVID19, e sala di conferencia di prensa y a termina den e sala di conseho di minister.
Prome Minister a duna nan un presentacion di e "State of Affairs" di Aruba pa asina nan por tin un miho bista di con Aruba su economia y finansas ta na e momentonan aki. Despues di e presentacion, e mandatario a splica con en realidad ta pa traha pa su persona como hende muhe den un posicion di liderasgo y kico ta importante pa tene cuenta cune ora ta trata di liderasgo femenino. E miembronan di WOW a haci varios pregunta cual Prome Minister a contesta.