Despues di dies dia cu a anuncia e matrimonio, e pareha por casa si no tin hende cu ta contra e matrimonio.

• Pa un persona por casa e mester cumpli cu e siguiente rekisitonan:
• E hende homber y e hende muher, tur dos mester tin por lo menos diesocho aña di edad;
• Personanan bou di diesocho aña di edad (menor di edad) no por casa sin consentimento di nan mayornan;
• Si un persona tin voogd (te diesocho aña), tambe e mester haya consentimento di su voogd y di su di dos voogd;
• Pa e ceremonia di casamento mester tin por lo menos dos y maximo cuatro testigo cu mester ta mayor di edad.

Por traha un cita afspraak maken . E ora ey ta haya un cita pa por duna man Oficina di Censo y Registro Civil. Ta traha e acta di duna man na e sitio.

Ora di duna man e pareha mester ta den principio personalmente presente y nan mester trece e siguiente documentonan:

• Un documento di identificacion valido, esta un paspoort, cedula of rijbewijs valido;
• Uittreksel (extracto) di Registro Civil (Papel di 5 florin);
• Acta di nacemento original di tur dos persona (pa esnan naci na Aruba Awg. 15,-). Pa esnan naci na un otro pais p.e. Venezuela, Surnam, Colombia, etc., e acta original mester tin un apostilla di Ministerio di Relacionen Exterior di dicho pais. Pa esnan naci na Republica Dominicana, e acta original mester tin tambe un seyo di verificacion di Embahada Hulandes na dicho pais. Haiti no mester apostilla pero si un seyo di verificacion di Embahada Hulandes na e pais menciona;
• Si ta pasa via DIMAS mester trece tur documentonan original;
• Declaracion di estado civil di bo y bo pareha (soltera/o) di e ultimo luga unda bo(so) a biba, prome cu bo(so) a establece bo mes na Aruba;
• Acta di consentimento (si ta necesario). Den caso cu un of tur dos persona ta menor di edad, mester laga traha un asina yama acta di consentimento. Un ambtenaar di Censo of un notario por traha e acta aki;
• Tambe por duna consentimento di e matrimonio ora di traha e acta di matrimonio;
• Acta di fayecemento (si ta e caso). E acta di fayecimento di e persona cu lo mester a duna persmiso pa e matrimonio tuma lugar, si e tabata na bida; E acta di exterior mester tin un apostilla of/y seyo di Embahada Hulandes);
• Comprobante cu no tin ningun impedimento contra e matrimonio (no ta obligatorio);
• Comprobante cu e matrimonio anterior no ta forma un impedimento pa e matrimonio aki tuma lugar, si ta trata un di dos of mas matrimonio. Si bo tawata casa mester trece acta di divorcio of e acta di difuncion di e casa (e acta di exterior mester tin un apostilla of/y seyo di Embahada Hulandes);
• Prueba di dispensacion di impedimento di e matrimonio (no ta obligatorio);
• Prueba di dispensacion of permiso di e ministro, encarga cu husticia, den caso cu esaki ta rekeri;
• Prueba di disposicion of dispensacion di proposicion di matrimonio (no ta obligatorio). Esaki ta solamente necesario den caso cu tin un disposicion huridico contra un negacion pa traha e acta di dunamento di man of tin dispensacion di wardamento di diescuatro dia pa un dunamento di man;
• Un declaracion medico di embaraso (manera indica den BWA articulo 31, insiso 2), den caso cu esaki ta rekeri.

Dunamento di man tambe por sosode door di un carta, di tal forma cu for di dje e intencion di e futuro pareha por keda demonstra cu seguridad satisfactorio.

Censo ta traha un acta di dunamento di man ora cu un pareha duna man pa casa. Censo ta ortoga un extracto di e acta riba peticion.

Prome cu e matrimonio tuma luga, fuera di e documentonan menciona caba, mester entrega tambe e siguiente documentonan na e empleado publico di Censo:

• Acta di dunamento di man pa casamento;
• Den e caso cu tabata tin impedimento, prueba cu a aboli e impedimento;
• Copia di identidad (ID, paspoort of rijbewijs) valido di minimo 2 testigo of maximo 4 (mayor di edad).
• Si un di e personanan cu ta bay casa (of tur dos) no tin e nacionalidad Hulandes, mester entrega tambe un documento model D79, yena, na Censo. Pa esaki mester traha un cita prome pa un entrevista tuma lugar, si ta necesario. Esaki ta necesario pa evita matrimonio ficticio. Den caso cu e conseho sali positivo, e matrimonio por tuma lugar, of si e matrimonio a tuma luga caba, e ora ey e inscripcion den e Registro Civil por tuma luga.

E pareha mester presenta personalmente dilanti di e empleado publico di Censo riba dia di matrimonio. No ta posibel pa casa cu volmacht. E matrimonio por tuma luga na stadhuis di Aruba of na un otro luga. Pa casamento na un otro luga mester presenta un carta di dokter pa por lo menos un di e parehanan.

Despues di casamento e pareha ta haya un trouwboek (buki di matrimonio) como prueba cu e matrimonio a tuma luga.
Gasto:

• Di dialuna te cu diahuebs
  • stadhuis   Awg.95,- (excl. trouwboekje)
• Diabierna
  • stadhuis  Awg. Awg.125,- (excl. trouwboekje)
• Dialuna te cu diabierna
  • for di stadhuis    Awg. 305,00
• Trouwboek  (optional)   Awg. 55,00.

Si bo(so) a cumpli cu tur rekisito, boso lo tin un dia inolvidabel di matrimonio.