Maneho pa ‘bedlegerig’ patient na cas por ricibi vacuna di Influenza y/of COVID-19
ORANJESTAD - Pa proteha e grupo di riesgo cu ta encera ciudadanonan ‘bedlegerig’ na cas di bira hopi malo, desaroya complicacion y hasta fayece debi na infeccion cu e virus di Influenza of COVID-19, Departamento di Salud Publico (DVG) ta bay ofrece e vacuna anual di Influenza y tambe di COVID-19 cu ta contene e variante mas actual, na ‘bedlegerig’ patient na cas.
Tur famia cu ta desea pa nan familiar cu ta na cama na cas ricibi e vacuna anual di Influenza
y/of COVID-19 por tuma contacto cu DVG na telefon 5224200 pa registra. DVG lo tin un team di enfermero cu lo pasa na cas segun cita pa vacuna.
| Grupo di risico | COVID-19 | Influenza | Rekisito |
|---|---|---|---|
| .’Bedlegerig’ patient (na cama) cuminsando for di 6 luna di edad. | X | X | AZV |
Tur ‘bedlegerig’ pashent cuminsando for di 6 luna, ta bin na remarke pa ricibi e vacuna di Influenza y COVID-19 completamente gratis. Tur lokual ta necesario ta un prueba di AZV y un cita cu mester traha na DVG via telefon 5224200.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.