Maneho monitario

Segun articulo 10 di e ordenansa di Banco Central, Banco Central di Aruba (“e Banco”) ta responsabel pa hiba e maneho monetario pa garantisa e stabilidad di e balor di e florin Arubiano. Pa realisa e meta aki, ta esencial pa mantene un proporcion fiho y solido di e tasa di cambio entre e florin y e dolar mericano, cu por cierto ta e moneda mas importante na Aruba ora di haci transaccion internacional. Esaki ta duna un contribucion valioso pa controla inflacion y tambe pa crea un clima cu ta promove crecemento economico. Pa sostene e confiansa den e proporcion di e tasa di cambio aki, e banco a hiba durante añanan un maneho monetario cauteloso, unda ta aspira y ta trata di logra un nivel suficientemente halto di e activa exterior neto (tanto den e reservanan oficial di Aruba-cu ta consisti di oro y medionan legal di pago di afo, esta dolar mericano- como den e reservanan di divisas cu ta controla pa e banconan comercial local). Ademas di fiha e maneho di divisas, e banco ta encarga cu e siguiente tareanan:

• Emision di placa di papel;
• Emision di moneda na nomber di Pais Aruba;
• Percura pa un operacion di pago eficiente y eficas;
• Fungi como e bankero di Pais Aruba;
• Regula e operacion di pago internacional;
• Controla e reservanan di divisa oficial;
• Conseha e Minister encarga cu finansas;
• Monitor e desaroyo economico;
• Eherce supervision riba e sector financiero.

Pa informacion mas detaya y actual por acudi na Banco Central di Aruba (Centrale Bank Van Aruba).

Mas informacion no ta disponibel ainda.