Maneho di cobramento

Pa medio di e Departamento di Finansas, Gobierno di Aruba ta ehecuta e siguiente maneho di cobransa. Tene cuenta si, cu e maneho di cobransa no ta aplicabel pa cobransanan di Departamento di Impuesto:

• Pago di e cobransa mester ta na tempo, di un solo biaha of cu un areglo di pago;
• Areglo di pago solamente ta posibel bou di condicionan estricto stipula pa Departamento di Finansas;
• Si bo no paga na tempo lo cobra interes y costonan legal di e cobransa riba e cuenta;
• Si segun e administracion di creditor, bo tin un claim, (esta cu gobierno debe bo, ) riba Pais Aruba, e ora ey ta ahusta e cuentanan (debenan) cu bo no a paga na tempo cu e saldo pendiente como creditor;
• Si Departamento di Finansas no por haya bo adres corecto, of bo ta nenga di paga y ta biba den exterior, lo aplica señalamento di paspoort. Esaki por tin como consecuencia cu nan por detenebo na e fronteranan di Reino Hulandes. Tambe bo por confronta problema ora di renobacion di bo paspoort. Evita problema y duna bo adres corecto na Registro Civil (Censo);
• Tambe si, despues di notificacion, bo ta nenga di paga interes y costonan of bo ta nenga di cera un areglo di pago, e ora ey lo busca ayudo di un deurwaarder. E costonan di e deurwaarder lo core pa bo cuenta.

Evita problema: Ora di cambio di adres, duna bo adres nobo, paga na tempo y traha cita pa un areglo di pago.