Maneho

Desaroyo Teritorial di Aruba 2019 (ROP 2019) 

Riba 15 di januari 2019 a publica un concepto pa un Plan pa Desaroyo Teritorial di Aruba nobo. Te cu 15 di maart 2019 a brinda oportunidad pa entrega punto di bista (zienswijze). E concepto a wordo ahusta y contestacion riba tur punto di bista cu a entrega a keda incorpora den e Nota riba Punto di Bista (Nota Zienswijzen). Por medio di Decreto Nacional no. 1 di 17 di juli 2019 e Plan pa Desaroyo Teritorial di Aruba 2019 (ROP 2019) a keda ratifica.

Por download y tambe tuma nota di forma digital di e ROP 2019, e mapa, e Decreto Nacional no. 1 di 17 di juli 2019, e splicacion riba ROP 2019, e Nota riba Punto di Bista y un mapa di structura ecologico principal:

Por tuma nota di ROP 2019 na oficina di Departmento di Infrastructura y Planificacion (DIP) tambe. 

Siguientemente por haya informacion relaciona cu e prome ROP (bieu).

ROP como pakete di maneho

Manera ya menciona, e descripcion di e plan ROP ta contene, ademas di splicacion di e mapa, e liñanan principal di e desaroyo mas desea pa e proximo diez añanan. Algun transformacion mas grandi ta strategico pa desaroyo di e maneho pa cual e pais ta boga p'e.

• Na Barcadera y e posibel crecemento mara na dje di Sta. Cruz como e area urbano, door di cual por alivia e presion riba e parti occidental di e pais.
• Na Sero Colorado y mara na dje un restructuracion parcial den e zona di e refineria, door di cual por reenforsa e base economico di San Nicolas.
• Na Oranjestad, na unda e escogencia pa desaroyo di e haf te na Punta Brabo ta relaciona cu oportunidadnan pa mehora e centro historico.

ROP ademas ta ofrece un base teritorial pa conservacion di naturalesa cu zonanan uni di naturalesa y zonanan berde rond di rooi grandi, cu mas tanto posibel ta mantene diferente habitat hunto.

Splicacion di e plan ROP ta structura den tres parti separa.
• Parti A ta trata tendencia y base planologico cu ta mara na esaki. A haci un investigacion amplio di necesidadnan social: necesidadnan basico, manera vivienda y enseñansa, facilidadnan comunitario, facilidadnan comercial y suministro di utilidad. Riba e terenonan aki, na unda cu ta posibel, a describi e maneho cu tin consecuencia teritorial. E impacto riba e teritorio ta mara sigur na desaroyo economico. Pa e motibo ey a elabora separadamente riba e maneho economico general, na unda a enfoca riba e motor di mas importante esta turismo. Banda di esaki, den un comunidad cu ta biba cerca di otro, mester acomoda e empresanan cu ta causa molester na luganan adecua. P'esey e base pa e maneho di establecemento di empresa ta splica den e parti aki tambe.
• Parti B di e splicacion ta papia di e proceso di e plan te na stipulacion di e ROP.
• Den e ultimo parti C, ta stipula factibilidad di e proposicionnan di e maneho di e ROP, a base di e cuadro financiero disponibel y a base di e acogida den comunidad tocante e proposicionnan di maneho.
Den e atlas di e plan di e ROP tin e mapa mas detaya. Ademas riba algun mapa tin elementonan adicional cu ta limita posibilidadnan teritorial of cu ta fungi como base pa e regulacion cu mester traha ainda. Asina tambe tin un mapa di haltura di construccion cu ta reemplasa e mapa cu ya a keda stipula na 2006. Riba e mapa di tereno industrial y limitacion a pinta e excavacionnan y e tereno industrial disponibel ta reparti den categoria.