Gobierno tin algun tempo caba ta planeando e trabaonan di revitalisacion di Oranjestad hunto cu DOW. E diferente proyectonan hunto mester trece un impacto positivo den centro di ciudad. Pa atende cu e aspecto di seguridad pa haci Caya Betico F. Croes mas atractivo anochi, a haci un inversion di mas di 60 mil florin pa iluminacion. Fuera di iluminacion, tin otro proyectonan di infrastructura plania y tambe den ehecucion.

Un otro proyecto di Wilhelminastraat y Columbusstraat, despues di a encontra varios luna di tardansa, finalmente lo termina. E proyecto aki ta crea accesibilidad, mas espacio publico, facilidad di permiso pa precario, percura pa mas limpiesa y expansion di parkeo, y tin e meta principal di drecha e atmosfera empresarial den e area.

Tin diferente reto pa atende cu nan den e cuadro di revitalisacion den e area, y cu esaki tin su debido atencion. Ta trahando duro cu diferente grupo envolvi pa atende cu proyectonan realisabel a corto plaso, mientras ta preparando pa e proyectonan mas duradero y a largo plaso.

Colaboracion entre sector priva y gobierno ta keda esencial den realisa un centro di ciudad revitalisa, cu destinacion pa haci Oranjestad un centro di gastronomia y vivienda.