Luna di conscientisacion di cancer na pecho

Mientras cu e prome siman di conscientisacion a pasa, ta importante pa keda enfatisa e importancia di conscientisa nos comunidad. Cancer di pecho ta un realidad cu ta afecta hopi persona y famia riba nos isla. Y esaki ta un motibo pa no solamente aumenta conscientisacion, pero tambe pa fomenta compacion y comprension entre cada un di nos.

Cancer na pecho ta toca bida di hopi ciudadano. Sea ta un diagnostico di un famia, amigo, un
conoci of bo mes, cada storia ta unico. Pero cada un ta recorda nos e importancia pa cuida nos
salud. E luna aki, sin duda ta un temporada na unda nos ta reflexiona mas hopi riba e tema aki.

Ta importante pa tuma pasonan proactivo di tempran. Deteccion tempran ta crucial pa vence e enfermedad aki. Biba y come saludabel ta un paso importante pa tuma. Examina bo pechonan regularmente. Tuma curashi y traha tempo pa haci un mamogram.

Informa bo mes di e señal y sintomanan di cancer na pecho y comparti e informacion aki cu
esnan cu ta rond di bo. Asina aki nos ta empodera nos mes y ta empodera otro cerca di nos
pa tuma control. Nos por inspira cambio y crea un efecto grandi di conscientisacion den nos
comunidad.

“Den e luna di conscientisacion, laga nos recorda ensnan cu a perde e bataya na cancer di pecho. Laga nan historia keda inspira nos pa cuida, sostene, y pa ta fuerte pa conscientisa. Hunto nos ta mas fuerte: conscientisa, sostene y mira cambio”, Prome Minister a expresa.