Lista laboral (Arbeidslijst)

Riba e  lista laboral ta menciona e orario di cuminsa y termina di un dia laboral normal pa tur grupo of pa un cierto grupo di trahado den e negoshi. E hefe of manager di un empresa tin e obligacion di percura:

  • pa e lista laboral ta coloca den e negoshi na un lugar cu ta facilmente accesibel pa e trahadonan en cuestion y cu nan por tuma conocemento di esaki.
  • pa entrega sin tardansa e lista laboral na e autoridad concerni.

Aki nan bo por download e model di un lista laboral (Arbeidslijst formulier DAO) of bo por busca un na Departamento di Labor. Mester yena e lista laboral segun e model nobo y entrega esaki na Departamento di Labor. E lista laboral mester contene e orarionan laboral actual. Mester yena e lista laboral completo, pues tur dato mester ta yena.

Ehecucion di articulo 28, prome inciso, di e Ley Laboral 2013 ta regla den Decreto Nacional di Ley registro Ley di Labor 2013. Articulo 1, inciso 3 cu ta regla e model y e obligacion di e doño di trabao pa entrega e lista laboral na Departamento di Labor pa nan por haci nan control.

Unda pa pidi'e? / Mas informacion na

Na e loket di Departamento di Labor. Si bo tin mas pregunta bo por mail simon.brete@aruba.gov.aw of arbeidsmarktonderzoek@hotmail.com of yama telefon 5837720 y pidi pa un trahado di e departamento di Bureau Arbeidsmarktonderzoek.
Orario di Departamento di Labor ta di dialuna pa dibierna di 8:00 pa 12:00 y di 13:00 pa 16:00.

Kico mi tin di hiba cu mi?

Pa e peticion di un lista laboral mester trece un formulario di lista laboral. 

Cuanto tempo ta dura pa hay'e?

E periodo di espera ta un siman. Por haci peticion na Departamento di Labor.