Lista di candidato 2009
Publicacion di fecha pa entregamento di lista di candidato
E entregamento di lista di candidato pa eleccion pa miembronan di Parlamento ta tuma luga riba e fecha di entre e di nobenta y di ochenta dia prome cu periodo legislativo di Parlamento (cuatro aña) termina of prome cu e fecha cu ta disolve Parlamento.
Riba e dia di entregamento di lista, e partidonan politico ta entrega nan lista di candidato, cu ta postula nan mes pa un asiento den Parlamento na Conseho Electoral.
Desde 20 juli 2009 e apoderadonan di cada partido politico por a busca un carta na Registro Civil/Censo den cua ta para e dia pa entrega lista. Den e carta ta specifica e rekisitonan pa entregamento di lista. Tambe ta haya e formulario pa yena e lista di candidato.
E lista di candidato mester contene datonan corecto manera fam, nomber, inicial, fecha di nacemento y adres. Tambe e secuencia cu e candidatonan ta aparece riba e lista mester ta determina. Ora di entregamento di lista di candidato tambe mester entrega e siguiente documentonan:
- Un declaracion di consentimento; e candidato mester agrega un declaracion unda e ta bay di acuerdo pa aparece ariba e lista;
- Un potret preto y blanco di cuatro pa seis cm, cu ta duna un bon imagen di e candidato cu ta aparece mas ariba riba e lista;
- Un comprobante di pago di Afl.1000,00 na Departamento di Finansas. E suma aki den principio tin e meta pa evita participacion den un forma superficial na eleccion.
E lista di candidato mester cumpli cu diferente rekisito:
- Riba un lista mag di aparece maximalmente 29 candidato, 8 mas cu e total di miembronan di Parlamento cu por wordo eligi;
- Partido politico cu no tin representacion den Parlamento mester colecta un total di 513 firma di votado pa por participa na e eleccion (513 voto cu ta igual na por lo menos un porciento (1%) di e total di e votonan valido, cu e Conseho Electoral a determina durante e eleccion pasa, afgerond pariba te na un cifra completo);
- Un candidato mag di aparece unicamente riba un lista di candidato;
- Un votado por sostene solamente un lista di candidato.
Entregamento di lista
Dia 7 di augustus 2009 e partidonan politico por a entrega nan lista di candidato na e presidente di Conseho Electoral Sr. Ing. mr. Hubert C.Maduro.
Luga: ex Havana Beach Club (Nicky Beach)
Ora: 09:00uur - 16:00 uur
Ocho partido politico cu ta inscribi na Conseho Electoral por participa den e eleccion pa miembronan di Parlamento di dia 25 di september 2009. Ademas di e partidonan MEP, AVP, MPA y RED cu ta representa actualmente den Parlamento, e partidonan CURPA, PDR, OLA/MSI y PPA tambe ta participa na eleccion.
Partido Politico
|
• |  Apoderado: Señor drs. C. A. S. D. Wever Apoderado suplente: Señor V. E. J. Arends |
|
• |
 Apoderado: Señor mr. P. E. Croes Apoderado suplente: Señor H. G. Oplaat |
| • |  Apoderado: Señor mr. A. C. G. Bikker Apoderado suplente: Señor A. P. A. Tromp |
| • |  Apoderado: Señor B. J. M. Nisbet Apoderado suplente: Señora G. R. Gil |
| • |  Apoderado: Señora Dionisia Theresita de Cuba Apoderado suplente: Señor Adislao Miguel Rasmijn |
| • |  Apoderado: Señor G. F. Croes Apoderado suplente: Señora G. F. Croes |
| • |  Apoderado: Señor mr. M. J. H. Kock Apoderado suplente: Señor W. A. I. Vrolijk |
| • |  Apoderado: Señor Ph. E. M. Geerlings Apoderado suplente: Señor L. T. Hector |
Controla lista di candidato
Dia 21 di augustus 2009 Conseho Electoral a tene un reunion pa controla e listanan. Te cu 24 di augustus 2009 Conseho Electoral tabata por a notifica un partido por escrito tocante e omision cu a constata, por ehempel si falta documento. E partido tabata tin te cu 27 di augustus 2009 e oportunidad pa coregi loke falta, manera cu ta indica den e carta, door di entrega na Conseho Electoral e documentonan cu falta.
Decision tocante validez di e listanan
Dia 28 di augustus 2009 Conseho Electoral a tene un reunion publico den cual nan a declara e listanan di candidato valido. Segun articulo 31 di Ley Electoral, Conseho Electoral ta publica e listanan di candidato.
Adhunto por haya lista di candidato di e partidonan cu lo participa na eleccion di dia 25 di september 2009.
Lista di candidato pa eleccion 2009
Numeracion di lista y dunamento di color
Den caso cu no tin apelacion, e ora ey e Conseho Electoral lo bay na numeracion di e listanan y dunamento di color. Finalmente ta publica e lista valido di candidato cu nan number y color.
Den un reunion publico riba 2 di september 2009 Conseho Electoral a duna e siguiente numbernan pa medio di sorteo. Tambe a duna e color di preferencia na cada lista.
Numeracion di lista y dunamento di color eleccion 2009
Number y color
| 1 | | Cora |
| 2 | | Lichtblauw |
|
3 |  | Berde |
| 4 | | Ros |
| 5 | | Blanco |
| 6 | | Oranje |
| 7 | | Geel |
| 8 | | Biña |