E ministernan a haya presentacion di e leerlijn nobo cu ta enfoca riba: ‘responsible pet ownership’, cual a crea como material di educacion pa introduci den e curiculo pa grupo 1 (kleuter) te cu grupo 8 (6de). Esaki ta forma parti di e Nationaal Populatiebeheersingsplan Straatdieren Aruba (NPSA) cu ta enfoca riba e bienestar di animal na Aruba.

E material di educacion ta un instrumento importante pa cuminsa educa nos muchanan for di chikito con ta cuida y sea un doño di mascota mas responsabel. E material ta cubri topiconan manera kico un mascota mester den su bida pa crece bon y hiba un bida saludabel como mascota, pero tambe e importancia di conoce un cacho su anatomia.

E obhetivo ta pa crea un comunidad empatico y cu ta stima bestia. E meta primordial ta e bienestar di animal na Aruba.

Lo introduci e material educacional aki den aña escolar 2023-2024, aki na algun scol preparatorio y basico como un proyecto piloto.