Kick-off event: Wikipedia riba Aruba | Aruba riba Wikipedia

E proyecto aki, cu ta dura 18 luna, tin como meta pa educa e comunidad local riba e poder di Wikipedia, forma un comunidad activo pa comparti conocemento, y mustra e herencia rico di Aruba riba un plataforma global.

Wikipedia Riba Aruba ta organisa door di Wikimedia Nederland den colaboracion cu Archivo Nacional Aruba, Biblioteca Nacional Aruba, Stichting Monumentenfonds and Union di Organisacionnan Cultural Arubano. Fonds Cultuurparticipatie a facilita e fondonan pa e proyecto aki. Bou maneho di Wikimedian in Residence Ginelly Quandt, Project Lead Michelle van Lanschot y Project Coordinator Ricardo Arends, e iniciativa aki lo trece oportunidad na esnan interesa pa contribui cu conocemento na Papiamento, y asina garantisa accesibilidad y representacion mas amplio di e cultura y historia di Aruba.

Informacion di evento di apertura

Fecha: Diaranson, 13 di februari 2025
Luga: Biblioteca Nacional Aruba
Orario: 6:00 PM - 8:00 PM
Durante di e evento aki, lo duna presentacion tocante e proyecto, lo tene un dialogo interactivo y duna informacion riba con comunidad por participa of ta envolvi. Participantenan lo por siña con Wikipedia ta traha, e proceso di credibilidad y verificacion, y con nan por contribui cu articulo na Papiamento of añadi imagenan di uso liber na Wikimedia Commons.

Un invitacion na tur 
Nos ta invita e comunidad di Aruba pa asisti na nos evento di apertura y sea parti di e movecion emocionante aki. Si bo ta apasiona tocante herencia di Aruba, interesa pa contribui conocemento, of simplemente ta curioso pa siña mas—e proyecto aki ta pa bo!
Pa mas informacion, por tuma contacto cu nos na wikipediaonaruba@wikimedia.nl.

Tocante Wikipedia riba Aruba

E proyecto di Wikipedia riba Aruba ta dedica pa haci conocimiento tocante Aruba accesibel pa mundo henter. E ta enfoca riba:

• Educa tocante e importancia di Wikipedia pa preserva y promove e herencia di Aruba.
• Inspira hende pa skirbi y documenta historia y informacion rico di Aruba den nos idioma nativo riba Wikipedia, creando un impacto duradero.
• Forma un comunidad di contribuyente apasiona cu lo skirbi y comparti conocemento na Papiamento.
• Subi imagen y contenido liber tocante cultura, sitionannan emblematico y historia di Aruba.
• Traha hunto cu organisacionnan di herencia cultural pa pone nan conocemento y coleccion disponible riba plataforma di Wikimedia.

Dicon esaki ta importante?

Aruba tin un herencia cultural rico cu merece reconocimento globalmente. Sinembargo, hopi di su historia, tradicion y conocemento ainda no ta representa na plataforma digital accesibel manera Wikipedia. Door di duna poder na nos comunidad local pa contribui den Wikipedia na Papiamento, e iniciativa aki ta garantisa cu ta conta e historia di Aruba den un manera autentico y ta keda accesibel pa futuro generacionnan.

Informacion di contacto
wikipediaonaruba@wikimedia.nl
Instagram Facebook