Instituto Pedagogico Arubano (IPA) cu Open Dag dia 1 di februari 2025
ORANJESTAD – Diasabra dia 1 di februari 2025, Instituto Pedagogico Arubano, IPA lo tin nan Open Dag 2025 y ta extende un invitacion na tur esnan cu ta aspira pa un carera den enseñansa pero tambe na comunidad en general.
E Open Dag 2025 ta hiba e tema di “The Influencer Teacher”. Esaki lo tuma luga diasabra 1 di februari di 10:30 am - 1:30 pm na IPA na San Nicolas.
Riba e dia aki IPA ta habri su portanan pa tur persona cu kier descubri mas di e rol crucial y e influencia grandi di maestro den enseñansa. IPA ta invita tur hende cu tin e pasion pa bira maestro, bin combersa cu nan y laga nan inspira bo. Durante e Open Dag IPA lo duna informacion di diferente estudio y e bishitantenan lo por participa activamente na actividadnan organisa pa e docentenan di IPA di diferente area di formacion.
Pa mas informacion encuanto e open dag y di IPA en general bishita: www.ipaaruba.com.