INMIGRACION ARUBA, CARTA DI GARANTIA 2023

Tur persona cu ta desea di invita un familiar of amistad di nacionalidad cu no ta rekeri di Visa pa bin pasa vakantie na Aruba den luna di december 2023, por inicia cu e proceso di peticion pa e carta di garantie door di yena e formulario di peticion den forma digital e manda esaki hunto cu tur rekisito na garantie@dga.aw

Baha e “formulario” di peticion pa carta di garantie, yen’e den forma digital y mand’e hunto cu tur rekisito na garantie@dga.aw

Documentonan necesario pa peticion di carta di garantia:

• Copia di paspoort di e garante
• Number di telefoon di garante
• Copia di papel di Censo di Afl. 5,- no mas bieu cu 6 luna
• Copia di permiso valido den caso cu e garante no tin paspoort Hulandes
• Muestra di entrada mensual. (ultimo 2 payslip si ta cobra pa luna/ ultimo 4 si ta cobra pa quincena of SVB (y/of APFA) verklaring den caso cu ta pensionado
• Copia di paspoort di biahero
• Adres di biahero (pais di origen)
• Copia di vacuna contra keintura geel unicamente pa persona menor di 60 aña
• Relacion di garante cu e invitado
• Garante doño di negoshi cu no tin salario mester presenta copia di camera di comercio no mas cu 6 luna bieu y ultimo prueba di pago di BBO of un bank statement.
• Taxista/Chaufeur di Autobus cu ta para como garante mester entrega copia di taxi/autobus vergunning y ultimo 2 muestra di pago di BBO.

E carta di garantia ta pa un estadia vacacional na Aruba di maximo 30 dia.

Na momento cu bo peticion keda aproba, nos lo comunica cu e garante pa por cumpra un pasashi di no mas cu 30 dia di estadia y un seguro di biahe cu cobertura pa e periodo cu e persona lo keda Aruba.

No ta recomenda pa cumpra pasashi prome cu haya un aprobacion!

08 di December 2023 ta ultimo dia pa entrega peticion pa carta di garantia pa aña 2023.