IMF: Aruba ta recuperando

Durante nan ultimo bishita, IMF a haci un estudio di nos posicion financiero, y a yega na e siguiente conclusion:

GDP a crece:

IMF, ta indica cu e GDP a crece na 2021 cu 27.6% y 7.3% na 2022.

Deficit / Surplus presupuesto:

E deficit / surplus di e presupuesto den 2 aña a baha di -16.2% pa - 0.5% y pa 2023 ta anticipa un surplus di 1%. IMF ta conclui cu e deficit lo comberti den surplus y cu Aruba ta bayendo financieramente den e direccion corecto.

Gastonan di Gobierno:

Den e "concluding statement" ta indica cu e gastonan di Gobierno ta apropia.

Debe di pais Aruba:

Na 2020 e debe tabata na 112.3% y a bahe den dos aña te na 90.7%. IMF ta premira cu e debe aki lo sigui baha y lo alcansa 71% pa 2028, cual ta hopi cerca di e porcentahe di e 70% cu a palabra cu Hulanda pa 2031.

Desempleo:

IMF a indica cu e porcentahe ta bahando. Prome cu pandemia e porcentahe di desempleo tabata 5.9% y a subi na 8.8% debi na e pandemia. Pa 2022 e porcentahe aki a baha na 6.6% y segun e estudio esaki ta bahando mas. Esaki ta un indicacion cu mas hende ta hayando trabao

Crecemento economico:

Segun proyeccion di IMF e crecemento economico cu nan ta calcula pa 2023 ta 2.3% y 1.1% pa e siguiente añanan.

Inflacion:

IMF a indica cu na 2022 a proyecta cu e inflacion pa 2023 lo ta na 5.5% pero e porcentahe actual ta 4.9% y a premira cu pa fin di 2023 e porcentahe aki lo baha te na 3.2%. Ademas IMF avisa Gobierno di algun riesgo cu lo mester tene na cuenta. Un riesgo ta cu situacion mundial por afecta inflacion.

IMF no ta convenci cu Aruba lo yega e surplus manera a indica y ta recomenda pa inroduci e BBO na frontera. Mester tene cuenta cu introduccion di BTW y cuminsa cobra esnan cu

no ta pagando impuesto. Tambe nan a menciona nan preocupacion pa e fondo di AOV, mercado laboral, integridad y cambio climatico. Gobierno tin atencion pa tur e puntonan di preocupacion.

Recuperacion di Aruba:

Segun IMF, Aruba a logra "A strong bounce back from the pandemic" despues cu e efecto di e pandemia a mengua y turismo a bolbe Aruba mas fuerte cu nunca.

Por haya mas informacion den e conclusion:

• Kingdom of the Netherlands—Aruba: Staff Concluding Statement of the 2023 Article IV Mission