Huurmento di cas

Na Aruba tin hopi oficina di realstate y trust cu ta ofrece nan servicio pa yuda esun cu ta buscando un cas pa biba pa haya un cas adecua. Naturalmente bo por busca informacion den bo circulo social, por ehempel cerca bo coleganan, amigo y conocirnan.

Fundacion Cas pa Comunidad Arubano, (FCCA) cu Gobierno a institui tin e tarea di duna asistencia financiero pa traha of cumpra bo propio cas. FCCA ta traha tambe su mesun bibiendanan cu e ta ofrece na comunidad sea ta pa huur of pa cumpra. Manera e nomber mes ta bisa, FCCA ta yuda e comunidad Arubiano pa yega na su propio cas.

E fundacion tin bibienda social na Aruba na su encargo. Den e cuadro ey, e ta ofrece bibienda pa huur, na unda ta haci diferencia entre bibienda social pa huur y bibienda comercial pa huur.

Bibienda social pa huur

E tipo di cas di huur aki ta destina pa e Arubiano cu un entrada abou te mediano. Pa por bin na remarca pa un bibienda social pa huur di FCCA ta tene cuenta cu lo siguiente:

• Esun cu ta haci e peticion mester ta mas bieu cu 18 aña;
• E salario maximo ta Awg. 3125,00.

Clientenan cu haya un bibienda social pa huur por bin na remarke pa un subisdio di huur. Ora ta otorga un bibienda social ta determina e suma di subsidio di huur segun un tabel di subsidio di huur. E suma aki ta subsidia door di Gobieno di Aruba.

FCCA tambe ta ofrece casnan pa hendenan cu un limitacion fisico. Pa basta tempo caba FCCA ta construi tipo di casnan asina. Den mayoría di proyectonan di casnan social riba e isla ta un cas adapta pa personanan cu limtacion físico. E grupo aki a crece durante añanan. Esaki ta e motibo cu FCCA ta hiba e maneho cu 5% di tur cas construi den un proyecto di bibienda ta contrui como un cas riba midi.

Pa haci peticion pa un cas na midi por tuma contacto cu nos departamento di Registratie na nos oficina principal na Sabana Blanco 66 of na nos oficina na  San Nicolas situa na B. van der Veen Zeppenfeldstraat 63.

Tin excepcion pa pensionado (tuma contacto cu FCCA).

Bibienda comercial pa huur

Pa bin na remarca pa un asina yama bibienda comercial pa huur, tene cuenta cu e siguiente condicionnan:

• Esun cu ta haci e peticion mester tin 18 aña of mas;
• Esun cu a haci e peticion mester tin un entrada cu ta mas halto cu esunnan menciona pa categoria aki riba (wak bibienda social pa huur);
• E suma di huur mensual no por ta mas cu 30% di e entrada.

• Een kopie van het laatste maandoverzicht van het salaris, indien van toepassing van beide echtgenoten;

Ora di entrega un peticion, bo mester trece cu bo e siguiente documentonan:

• Un cedula valido (no rijbewijs ni paspoort!); 
• Un copia di bo ultimo slip di salario y den caso cu bo ta casa, esun di bo casa tambe;
• Un copia di e ultimo slip di otro entrada mensual manera por ehempel penshun y bijstand. Si bo ta casa, esun di bo casa tambe.

No obstante cu na Aruba por papia di un economia di Mercado liber, Gobierno ta regula toch e mecanismo di mercado ariba un cantidad di tereno y asina tambe ariba tereno di huurmento. Gobierno ta regula pa un gran parti e siguiente asuntonan:

• Condicion di huur;
• Terminacion di huur;
• Prijs di huur ;
• Aumento di prijs di huur;
• Intermediacion;
• Inspeccion;
• Informacion.

A institui Huur- en Consumentenzaken (DHC) pa haci esaki.

Condicion di huur

Tanto e doño di cas como esun cu ta huur tin derecho pa acerca Dienst Huur- en Consumentenzaken (DHC) pa condicion y prijs di huur. Tene cuenta cu e siguiente reglanan ora haci uzo di e servicio aki:

• Esun cu ta haci e peticion mester acudi personalmente na Dienst Huur- en Consumentenzaken pa haya un formulario di peticion;
• E formulario aki mester ta completamente yena;
• Mester entrega e formulario personalmente na Dienst Huur- en Consumentenzaken.

Hunto cu e peticion mester entrega un cantidad di documento.

Terminacion di huur

Pa termina un acuerdo di huur bo mester haya aprobacion di Dienst Huur- en Consumentenzaken (Departamento di Huur y Asunto di Consumidor). Basa ariba e Ordenansa di Comision di Huur (Huurcommissieverordening) no por termina un acuerdo di huur sin permiso di Dienst Huur- en Consumentenzaken. Mas cu claro cu esaki no ta necesario si tur dos partido ta di acuerdo pa termina e acuerdo.
Pa haya aprobacion mester tene cuenta cu e siguiente reglanan:

• Esun cu ta haci e peticion mester busca personalmente un formulario di peticion na Dienst Huur- en Consumentenzaken;
• E formulario aki mester ta completamente yena;
• Mester entrega e formulario personalmente na Dienst Huur- en Consumentenzaken.

Hunto cu e peticion mester entrega un cantidad di documento.

Aumento prijs di huur

 Pa aumenta e prijs di huur bo mester haya aprobacion di Dienst Huur- en Consumentenzaken, basa ariba e Ordenansa di Comision di Huur (huurcommissieverordening).
Pa haya aprobacion mester tene cuenta cu e siguiente reglanan:

• Esun cu ta haci e peticion mester busca personalmente un formulier di peticion na Dienst Huur- en Consumentenzaken;
• E formulario aki mester ta completamente yena;
• Mester entrega e formulario personalmente na Dienst Huur- en Consumentenzaken.

Hunto cu e peticion mester entrega un cantidad di documento.

Intermediacion

Ora cu tin un disputa entre e doño di cas y esun cu ta huur, un di e partidonan por pidi Dienst Huur- en Consumentenzaken, departamento di Inspeccion, pa intermedia pa logra yega na un solucion satisfactorio. Por haci e peticion pa intermediacion aki tanto na telefon como personalmente.
Ora di acudi personalmente mester trece cu bo, e siguiente documentonan:

• Un prueba valido di identificacion di esun cu ta haci e peticion (cedula, rijbewijs of paspoort);
• Eventualmente un apoderacion di esun cu realmente ta haci e peticion;
• Ademas mester duna informacion tocante di e disputa concerni y e partidonan envolvi.

Inspeccion

Na cuminsamento of ora cu ta termina e acuerdo di huur, por pidi Dienst Huur- en Consumentenzaken, departamento di Inspeccion pa bay mira e situacion di e cas y traha un rapport di su estado. Por pidi e inspeccion tanto na telefon como personalmente.
Ora di haci e peticion personalmente bo mester trece cu bo e siguiente documentonan:

• Un identificacion valido;
• Eventualmente un apoderacion;
• Informacion di e cas;
• Informacion di e partidonan.

E departamento di Inspeccion di Huur en Consumentenbescherming ta encarga cu trahamento di e rapport final. E departamento aki ta duna tambe informacion y guia.