Healthy Lifestyle Center pronto den MFA Savaneta.
ORANJESTAD – Dia 7 di maart 2024, Minister di Turismo & Salud Publico Dangui Oduber a bishita MFA Savaneta hunto cu miembronan di Healthy Lifestyle Center pa wak e espacio di oficina cu tin disponibel.
Cu un centro na Savaneta, HLC por brinda su servicionan na e comunidad pariba di
brug y asina aumenta e accesibilidad. Healthy Lifestyle Center a inicia oficialmente dia 23 di februari 2023 cu e meta principal pa brinda e pueblo di Aruba e guia profesional pa cu nan nutricion y movecion, especialmente esnan na riesgo pa haya complicacion di salud, door di hiba un bida no saludabel. Lo duna guia na e participante pa adapta su bida pa uno mas saludabel.
Den apenas un aña di existencia, HLC a logra yuda 300 cliente y guianan pa hiba un bida mas
saludabel. Pa e aña aki e obhetivo ta pa yega 600 cliente.
Trabaonan di HLC pa drenta nan oficina na MFA Savaneta ta avansando y pronto lo anuncia ki dia e oficina lo habri su portanan y tambe e orarionan di servicio.
Hunto ta logra tin un comunidad mas saludabel.