Pa personanan menor di edad (bou di 18 aña) e validez a keda 5 aña y pues e totalidad di peticionnan aki tur aña ta stabiel, aproximadamente entre 3000 pa 4000 pa aña.

Loke ta trata personanan mayor di 18 aña ta trece cune cu despues di 10 aña lo tin un subida

drastico di paspoort Hulandes cu lo caduca na 2024 y automaticamente e cantidad di peticion lo ta halto y pa es motibo ta pidi tur cliente pa traha nan cita di antemano y no warda e paspoort caduca.

Paspoort por dura 2 pa 3 siman pa yega for di Hulanda unda nan ta traha e paspoort. Censo no tin ningun influencia riba e periodo di espera pa esaki yega. Akibou nos ta pone un analisis di e cifranan desde aña 2023. Pues por wak cu desde aña 2024 lo bira un periodo hopi druk y ta pidi nos clientenan pa tene cuenta cu esaki.

Paspoort di emergencia:

Tene bon na cuenta cu Gabinete di Gobernador ta otorga solamente den casonan di sumo emergencia un paspoort di emergencia. Mester enfatisa cu e rekisitonan pa por bin na remarke pa un paspoort di emergencia ta hopi stricto.