Minister Tjon tin combersacion cu Minister di Rechtsbescherming sr. Franc Weerwind y Secretario di Estado di Relacionnan den Reino, sra. Alexandra van Huffelen en conexion cu e proyecto di e instituto coreccional nobo.E recomendacionnan di e comision CPT, ta forma e punto di salida pa loke ta trata e instituto nobo, teniendo na cuenta tanto e aspecto infrastructural como aspecto di cuido.

E actual director di KIA sr. L. (Gino) Winklaar, a expresa su deseo pa continua cu un reto nobo den su carera profesional pa cual Gobierno a instrui Departamento di Recurso Humano pa inicia e proceso di reemplaso di e Director di KIA saliente.

Teniendo na cuenta cu e continuidad como tambe ehecucion di diferente proyecto na KIA, a bin cu algun punto di atencion mirando recomendacion di CPT, pero tambe palabracion haci den “Justitieel Vierpartijen Overleg”, pa cual a dicidi pa instala un Management Team temporal pa KIA.

Riba 30 di juni 2023 conseho di Minister a aproba e proposicion di Ministerio di Husticia y Asunto Social, pa entrante dialuna 3 di juli e management team cuminsa cu su trabou na KIA.
Unabez cu formalisa e proceso pa ubica Sr. Winklaar, den un posicion nobo, lo habri e vacatura pa un director nobo na KIA.