Minister Maduro, hunto cu demas invitado, a celebra e di 15 aniversario di Joselito como Chef na e prestigioso empresa di Disney. Joselito a termina Aruba Hotel Management School y awe ta Master Chef na un di e restaurantnan mas grandi na Orlando Florida Crystal Palace.

Joselito a yega di participa na varios competencia y exposicion culinario na varios pais rond mundo manera Merca, Peru, Colombia, Brasil, Corsou y Hapon, na unda e la laga mundo cera conoci cu nos platonan crioyo y nos bolonan y postre. Den su carera, Joselito a traha na varios parke di diberticion y varios hotel na Orlando.

Joselito a cuminsa for di Sous Chef y cu hopi dedicacion, perseverancia y disciplina, a crece pa  Executive Chef, Chef de Cuisine y awor ta Master Chef na Crystal Palace na Magic Disney World. Esaki ta un bon ehempel, inspiracion y motivacion pa nos hobennan, specialmente e studiantenan di e parti di Culinario di Hospitalidad y Turismo na EPI, cu ta demostra cu trabou duro bo ta logra realisa bo soño.