Gobernador ta ricibi tres director di diferente Fondonan di Reino pa Cultura

ORANJESTAD - Dialuna, 18 di november 2024, Gobernador di Aruba, Su Excelencia Alfonso Boekhoudt, a ricibi tres director di diferente Fondonan di Reino pa Cultura pa un audiencia. 

Presente durante e audiencia tabata sr. Syb Groeneveld, director di Stimuleringsfonds Creatieve Industrie, sra. Viktorien van Hulst, director di Fonds Podiumkunsten y sr. Eelco van der Lingen, director di Mondriaan fonds. E personanan aki ta forma parti di un delegacion di seis Fondo di Reino pa Cultura cu conhuntamente ta bishita e seis islanan di e parti Caribense di Reino.

Durante e estadia na Aruba nan a bishita institutonan cultural, haci palabracion cu (futuro) aplicantenan y a tuma luga un encuentro amplio di networking. Tambe a presenta un portal di acceso cu informacion tocante e reglamento di subsidio cu ta importante pa e parti Caribense di Reino (https://rijkscultuurfondsen.org/).

Potret: © Kabinet Gouverneur Aruba

Gobernador di Aruba, Su Excelencia Alfonso Boekhoudt, ta ricibi sr. Syb Groeneveld, director di Stimuleringsfonds Creatieve Industrie, sra. Viktorien van Hulst, director di Fonds Podiumkunsten y sr. Eelco van der Lingen, director di Mondriaan fonds.