Gobernador ta ricibi e prome ehemplar di e regalo di Kinderboekenweek 2023
ORANJESTAD - 18 di october Gobernador di Aruba, Su Excelencia Alfonso Boekhoudt, a ricibi señora Astrid Britten, directora Biblioteca Nacional Aruba, pa un audiencia.
Durante e bishita aki Gobernador a haya e prome ehemplar di e buki pa mucha di Kinderboekenweek, cu lo keda regala nan nos muchanan den cuadro di e festival di buki edicion 31.
E aña aki e obsekio di e Kinderboekenweek ta un buki di prenchi cu e titulo “Na cas di Carmen y Carlos”, skirbi door di e escritor Hulandes Jeroen Hoogerwerf y ilustra door di Vanessa Paulina.
E tema actual di e festival di buki pa mucha ta “Bij mij thuis”, traduci na Papiamento como “Mi buki, mi cas”.
E apertura oficial di e festival di buki pa mucha, edicion 31 ta tuma luga diasabra November 4, 2023 na Cas di Cultura.
Potretnan: © Kabinet Gouverneur Aruba