Gobernador di Aruba, Su Excelencia Alfonso Boekhoudt, a ricibi General di brigada di marinier, Frank Boots, Comandante di forsa maritimo den Caribe, hunto cu Commandeur Walter Hansen

ORANJESTAD - Riba dialuna 21 di augustus 2023 Gobernador di Aruba, Su Excelencia Alfonso Boekhoudt, a ricibi General di brigada di marinier, Frank Boots, Comandante di forsa maritimo den Caribe, hunto cu Commandeur Walter Hansen pa un audiencia na Cas Ceremonial di Gobernador.

Diahuebs awor Commandeur Walter Hansen lo bira e successor di General Frank Boots den funcion di Comandante di forsa maritimo den Caribe.

Pa Commandeur Hansen esaki tawata un bishita di introduccion y pa General Boots a trata di un bishita di despedida. Manera cu ta custumber, Gobernador a haci entrega di un regalo di despedida na General Boots.