Gobernador a yama barco "Logos Hope" bonbini y a haci apertura di e feria di buki riba awa
E file aki ta den archivo.
ORANJESTAD - Algun dia atras, Minister di Finansa y Cultura demisionario Xiomara Maduro, hunto cu Gobernador di Aruba Su Excelencia Alfonso Boekhoudt, a yama e barco Logos Hope bonbini na Aruba.
Pa e ocasion special aki, Minister Maduro a gradici e capitan, director y ful e tripulacion di Logos Hope, pa e bunita trabou di mantene un fria di buki riba e barco cu ta biaha pa diferente Pais hibando e sabiduria, yudansa y speransa cu e palabra di Dios ta trece cune.
Despues a corta sinta pa haci e apertura oficial di e feria di buki riba awa sigui un recorido den e libreria unda por a aprecia e coleccion di buki cu lo ta disponibel na un prijs reduci pa e bishitantenan di Logos Hope.