Gobernador a asisti na e ceremonia conexion cu Dia di Himno y Bandera
ORANJESTAD - Riba diamars 18 di maart 2025 a tuma luga e ceremonia protocolar en conexion cu Dia di Himno y Bandera na Plaza Libertador G.F. Betico Croes.
Gobernador di Aruba, Su Excelencia Alfonso Boekhoudt, a asisti na e ceremonia aki.
Como apertura di e programa, a hisa e bandera Arubiano y a canta e himno Aruba Dushi Tera, sigui pa un oracion di pastoor Tirzo Kolfin. Prome minister Evelyna Wever-Croes despues a hiba un discurso. E programa a sigui cu diferente presentacion di canto, baile, un recitacion di un poema y cu un desfile di diferente grupo uniforma.
Potretnan: © Kabinet Gouverneur Aruba