General
Si bo kier stuur un vehiculo di motor bo mester dispone di un rijbewijs valido. Autoridad (Polis) ta e instancia cu ta otorga un rijbewijs.
Un rijbewijs ta duna bo e competencia pa stuur un vehiculo di motor (scooter, motocicleta, auto, auto di carga).
Tin diferente sorto di rijbewijs:
- Rijbewijs A pa stuur motocicleta of vehiculo entre otro ariba tres wiel cu un maximo di 400 kg;
- Rijbewijs B pa vehiculo di motor cu no ta cay bao di Rijbewijs A, destina pa transporta persona, cu un maximo di ocho asiento y pa vehiculo di motor destina pa transporte di producto, di cual e peso maximo no ta mas pisa cu 3500 kg. E categoria aki di vehiculo di motor por lastra un trailer liviano;
- Rijbewijs C ta pa stuur auto di carga;
- Rijbewijs D pa stuur por ehempel bus;
- Rijbewijs E ta pa stuur un vehiculo di motor cu un trailer pisa.