EduTech Fund ta aloca fondonan na proyectonan piloto cu ta pone enfasis riba innovacion y tecnologia. E proyectonan aki ta diseña door di e maestro- y studiantenan riba nos isla, na diferente scol.

Despues di segundo ciclo den cual 6 scol a sali ganado, Futura ta anuncia e ganadonan di e tercer ciclo. Pa ciclo 3, a ricibi un total di 11 aplicacion. Un comision di hurado a saca e siguiente ganadonan:

• Colegio Laura Wernet-Paskel, cu lo adkiri eBoards, laptops y tablets pa nan studiantenan;
• St. Paulus School, lo cumpra laptops pa nan studiantenan;
• Cacique Aterima, lo busca material diverso di STEM (Ciencia, Tecnologia, Ingenieria, y Matematica) pa nan studiantenan experimenta cu nan, y siña den un manera diferente.

Actualmente Futura ta ricibiendo aplicacion pa e di 4 ciclo via e website di Edutech Fund www.edutecharuba.org, cu lo keda habri te cu 7 di juli. Gobierno, hunto cu Futura ta invita tur scol pa aplica y forma parti di e oportunidad aki pa por ricibi fondo y cuminsa nan mesun proyecto innovativo.

Pa mas informacion bishita www.edutecharuba.org, of email Futura na: hello@futuralab.org.