FUTURA Innovation Camp 2024 a cuminsa
ORANJESTAD – Dialuna, 15 di juli 2024, FUTURA a ranca sali cu e prome siman di nan Innovation Camp cual ta tuma luga na Prinses Amalia Basisschool.
Durante e camp aki e muchanan entre 8 y 11 aña ta siña di STEAM (Science, Technology, Engineering, Arts & Mathematics). Esaki ta habilidadnan importante pa mucha desaroya desde un edad jong ya cu e ta prepara nan pa trabounan den futuro. Pa e siguiente edicion di FUTURA Innovation Camp 2024 tin algun cupo disponibel y ta tuma luga for di dia 22 pa 26 di juli 2024.
Ta invita mayornan di muchanan entre 8 y 11 aña pa trece nan yiu bin diverti, siña y explora nan creatividad na e FUTURA Innovation Camp. E camp ta ofrece nan un experiencia unico y lo educa y inspira e muchanan riba desaroyo sostenibel, diseño, responsabilidad personal, arte, matematica y mucho mas.
Gobierno ta gradici FUTURA pa organisa e Innovation Camp un biaha mas y ta gradici mayornan pa inscribi nan yiunan.
Pa mas informacion y registracion, subi https://www.futuralab.org/events/innovation-camp-2024