Fundacion Mi Voz Ta Bo Voz den reunion cu Minister di Salubridad, Asunto Social, Cuido di Adulto Mayor y Cuido di Adicto

Den cuadro di esaki Minister di Salubridad, Asunto Social, Cuido di Adulto Mayor y Cuido di Adicto, drs. Mervin Wyatt-Ras, a reuni cu Lisette Gomes di e Fundacion Mi Voz Ta Bo Voz. 

A intercambia informacion relaciona cu e importancia di prevencion y ayudo na e victima di abuso di menor.

Ta importante pa cuminsa conscientisa e muchanan desde edad hoben, pa sa ki ora ta trata di abuso. Fundacion Mi Voz Ta Bo Voz tin un rol crucial den combati abuso di mucha, pero ainda tin hopi reto cu mester atende. Prevencion di abuso di mucha ta un tarea colectivo di nos sociedad y ta necesario pa fortifica e cooperacion entre entidadnan relevante.