Facilidad den bario

Pa trece e servicio mas cerca di e ciudadano, Gobierno ta sumistra facilidadnan. Asina tin Multifunctionale Accommodaties (MFA's) unda oficinanan di Gobierno ta situa, manera Departamento di Impuesto den diferente districto di Aruba. Di e cinco MFA's planea, actualmente tin MFA NOORD. MFA Paradera, MFA Savaneta y MFA Santa Cruz.Otro facilidadnan publico ta entre otro; telefon, posterij, servicio di limpiesa, servicio di recogemento di bestia morto y luganan pa tira sushi (dump).Den tur districto na Aruba tin centronan di bario cu e meta pa promove e sentido di comunidad.

Centro di Bario 

Centro di bario ta funda door di gobierno cu e meta pa promove e sentido di comunidad den bario. Pa logra esaki, ta organisa diferente actividad.

Habitantenan di bario por acudi na e centro di bario pa entre otro:

  • Acogida ("opvang") y guia despues di scol;
  • Actividadnan pa hende di edad avansa;
  • Celebracion di dianan nacional hunto;
  • Informacion y charlanan riba diferente topico.

Multifunctionele accommodaties (MFA's) /Oficina di Gobierno  

Pa mehora e servicio den diferente districto di Aruba, tin oficinanan di gobierno den e MFA's..

Den MFAnan na  Noord, Paraderra, Savaneta y Santa Cruz ta ubica e Hulpbestuurkantoren, un sucursal di AZV, Departamento di Impuesto, un huki pa lesa buki di biblioteca. y un  cafetería.  

Departamento di Impuesto tambe ta brinda e siguiente servicionan den MFA Savaneta:

  • Pago di impuesto
  • Pago di permiso di DIMAS
  • Registracion di auto y brommer

E orario ta di 08:00 ‘or di mainta te cu 15:00 ‘or . No ta cera merdia

E MFA Savaneta ta destina pa trece e servicionan di gobierno mas cerca di e pueblo di Savaneta.  E lo ta habri tambe den oranan di anochi, sirbiendo como e luga unda e diferente organisacionnan di bario manera: gruponan di iglesia, gruponan social y gruponan educativo por reuni.

Na e oficinanan aki bo por bay haci cierto pagonan na Gobierno of companianan di Gobierno.

Na e oficinanan por bay pa haci pago di: 

  • cuenta di awa di W.E.B. Aruba N.V.;
  • cuenta di electricidad di Elmar N.V.;
  • cuenta di telefon y cable di Setar N.V.;
  • pago di huur di F.C.C.A.;
  • hipoteca di F.C.C.A.;
  • belasting, prima A.O.V., A.Z.V.