Extracto dunamento di man pa casa

Por haci un peticion pa un extracto di dunamento di man pa casa, despues cu esaki a tuma lugar.

Unda pa pidi'e? / Mas informacion na

Oficina di Censo y Registro Civil

Kico mi tin di hiba cu mi?

Pa haya un extracto di dunamento di man pa casa mester presenta cu e siguiente documentonan:

  • Un identificacion valido pues sea paspoort, cedula of rijbewijs;
  • Un extracto di registro di nacemento;
  • Si ta haci peticion pa un extracto pa otro persona, mester tin autorisacion (machiging) por escrito di e persona. Tambe mester trece un copia di prueba di identificacion valido di e persona concerni.
Cuanto e ta costa?
  • E gasto ta Awg. 15,-;
  • Tin cu paga pa e extracto cu placa efectivo (cash) of cu un debit-card. No ta acepta otro forma di pago.
Cuanto tempo ta dura pa hay'e?

Ta dura (maximo) un siman pa otorga e extracto.