Extracto di registro civil

Esaki ta un prueba cu e persona en cuestion realmente ta inscribi den registro civil di Aruba. Ta exigi esaki, na ora cu ta haci peticion pa diferente servicio na Aruba manera, conexion di coriente, awa, cable of habrimento di un cuenta bancario, etc.

Unda pa pidi'e? / Mas informacion na

Oficina di Censo y Registro Civil

Klik aki pa traha un cita afspraak maken. Scoge Documenten en Inlichtingen/Aanvragen – Uittreksels/Aktes/Verklaringen. E ora ey bo ta haya un cita na oficina principal di Censo/ Registro Civil na Schoolstraat 2. Bo ta haya e extracto mesora despues di haci e pago.


Oficina di Gobierno den districto di Savaneta (Hulpbestuurskantoor Savaneta)
Oficina di Gobierno den districto di San Nicolas (Hulpbestuurskantoor San Nicolas)
Oficina di Gobierno den districto di Paradera (Hulpbestuurskantoor Paradera)
Oficina di Gobierno den districto di Santa Cruz (Hulpbestuurskantoor Santa Cruz)
Oficina di Gobierno den districto di Noord (Hulpbestuurskantoor Noord) 

Kico mi tin di hiba cu mi?

  • Mester trece cu bo un identificacion valido (paspoort, cedula of rijbewijs) pa haci peticion pa un extracto of pa ricibi e extracto;
  • Si ta haci peticion pa un extracto pa otro persona, mester tin autorisacion (machiging) por escrito di e persona. Tambe mester trece un copia di prueba di identificacion valido di e persona concerni.

Cuanto e ta costa?

Pa otorgamento di un extracto di registro civil mester paga Awg 5,-

Cuanto tempo ta dura pa hay'e?

Ta haya e documento aki mesora na e loket. Censo tin un loket special pa otorgamento di e extracto (loket number 1). No mester tuma number, tampoco pa paga na caha.