Exprodesk ta invita pueblo di Aruba pa bishita ‘Aruba Showcase Event II’.
ORANJESTAD - Departamento di Asunto Economico, Comercio y Industria y su unidad di Exprodesk den colaboracion cu Ministerio di Asuntonan Economico, Comunicacion y Desaroyo Sostenibel ta invita comunidad di Aruba na Aruba Showcase Event II, tumando lugar dia 9 di november 2024, na Plaza Comercio 6:30pm pa 9:00pm.
Bin wak kico nos productornan local talentoso a crea! Esaki ta un oportunidad fantastico pa cumpra productonan Arubiano autentico, di calidad halto traha cu artesania excepcional.
For di obranan artesanal bunita te na articulonan local unico, tin algo pa tur hende descubri. Explora un variedad di productonan produci localmente, incluyendo saus pica, cosmetica, chuculati, productonan pa cuido di barba, sigaria, piesanan di arte, paña, biña, licor, tequila y hopi mas!
Disfruta di entretenimento bibo di N Fuzion Music, cu ta pone e ambiente perfecto pa un anochi bibo y yen di diberticion
Detayenan di e evento:
- Fecha: 9 di november 2024
- Ora: 6:30 pm – 9:00 pm
- Luga: Plaza Comercio
- Entrada: Gratis!
E evento aki ta un celebracion di nos cultura, innovacion, y e spirito empresarial cu ta haci Aruba special. Trece bo amigonan y famianan, apoya negoshinan local, y join nos mientras nos ta showcase lo miho di Aruba na mundo!
