Exclusion derecho di voto

Manera ariba describi e derecho di voto ta reserva pa un persona cu a cumpli 18 aña y cu no ta exclui di e derecho di vota. Ta exclui di e derecho di vota:

  • Personanan cu door di un sentencia irrevocabel di huez ta exclui for di e derecho di vota.
  • Personanan cu door di un veredicto irrevocabel di huez pa motibo di un enfermedad mental ta ser considera incapaz pa haci actonan huridico.

Si un persona cu derecho di voto ta den prizon riba dia di eleccion, (esaki yama oficialmente cu a kita su libertad na forma legal), of e ta interna na hospital of e ta biba na cas di anciano, como excepcion ariba e regla di ley electoral e tambe por deposita su voto. Pa e personanan aki ta haci un areglo special. Basa ariba e cambiodi e decreto electoral y di e ley electoral, nan por deposita nan voto na e urnanan ambulante A&B. E personanan cera cu derecho di voto por deposita nan voto na urna A unda nan ta encarcela, cu ta na KIA, warda di polis Santa Cruz y warda di polis Noord. Pashentnan interna na hospital tambe por vota na e urna ambulante A na Dr. Horacio Oduber Hospital mes. E personanan cu derecho di voto cu ta keda den cas di anciano por vota na urna ambulante B.
Den e gacetanan oficial Afkondigingsblad 2013 no.65 y Afkondigingsblad 2013 no.70 e cambionan di ley aki ta specifica.