Na momento cu Dienst Openbare Werken (DOW) a sali di e edificio mas cu 16 aña pasa, e edificio a keda bandona y poco poco a deteriora y bira un bista desagradabel den porta di waf. 

Cu e traspaso di e edificio aki pa Aruba Ports Authority, pronto lo renoba y transforma esaki den un facilidad ultra moderno den cual lo ofrece diferente servicio valioso na e turistanan crucero. Segun plan, e edificio aki lo sirbi como oficina principal di APA, mientras Aruba Tourism Authority (ATA) lo habri un centro di informacion pa turista (visitor information center) riba e prome piso. 

Gobierno ta felicita APA cu e adkisicion aki y pa financia e proyecto grandi aki. Cu e traspaso aki, ta salvarguardia un otro edificio historico pa e futuro generacionnan por disfruta.